ദൈവത്തിന്റെ ചിത്രത്തിനരികില്‍ അരിച്ചുനടന്ന പല്ലിയെ, ചൂലുകൊണ്ട് തട്ടിത്താഴെയിട്ട്, തല്ലിക്കൊന്നു.

പിന്നീടാ ചിത്രത്തിനു മുന്നില്‍ വിളക്കു കൊളുത്തി, ചന്ദനത്തിരി കത്തിച്ചു പ്രാര്‍ത്ഥിച്ചു.

“ലോകാ: സമസ്താ: സുഖിനോ ഭവന്തു”

ശ്രീകോവില്‍ ഒരു വലിയ താഴിട്ടു പൂട്ടി,

ചുറ്റമ്പലം അതിലും വലിയ താഴിട്ടു പൂട്ടി

പിന്നെ,

അമ്പലമതില്‍ക്കെട്ടിലെ വലിയ ഗേറ്റും താഴിട്ടു പൂട്ടി പൂജാരി പറഞ്ഞു.

“ഇനി ദൈവം രക്ഷപ്പെടുന്നത് എനിക്കൊന്നു കാണണം...”

അവധൂത വചനം:

“അതെ..., ഇതുപോലെയുള്ള പൂജാരികളുടെ പിടിയിലാണ് ഇപ്പൊ ദൈവം”

മെയ് 23, 2007

“ഭൂലോകര്‍ക്കെല്ലാം സമാധാനമുണ്ടാവട്ടെയെന്നു പൂജ്യ കുക്കുടാനന്ദ സ്വാമി തിരുവടികള്‍‍”


അവധൂത വചനം:
കരിമ്പൂച്ചകളുടെ സംരക്ഷണത്തില്‍‍, സ്വര്‍ണ സിംഹാസനത്തിലിരുന്ന് ആര്‍ക്കും സമാധാനം പ്രസംഗിക്കാം. ആശ്രമത്തിന്റെ ബാലന്‍സ് ഷീറ്റ് ജനങ്ങള്‍ക്കു വെളിപ്പെടുത്തി, ഇവര്‍ തെരുവിലേക്കിറങ്ങട്ടെ ജനങ്ങളെ സഹായിക്കാന്‍. മദര്‍ തെരേസ കാണിച്ചു തന്നതും അതാണ്. ധൈര്യമുണ്ടോ?

മെയ് 23, 2007

വയലാര്‍ രവിയുടെ കൊച്ചുമോന്‍ അമ്പലത്തില്‍ കേറിയതിന് ഗുരുവായൂരു പുണ്യാഹം നടത്തീ ത്രേ....

അവധൂത വചനം:
എന്നോ ചത്ത ആനയുടെ കൊമ്പുകളും, ചത്ത മൃഗങ്ങളുടെ തോലുകൊണ്ടുണ്ടാക്കിയ വാദ്യങ്ങളും, പാവം കടല്‍ജീവിയെ കൊന്നെടുക്കുന്ന ശംഖും അമ്പലത്തില്‍ വയ്ക്കാം. മനുഷ്യന്‍ മാത്രം തീണ്ടാപ്പാട് അകലെ. കൊള്ളാം.. കൊള്ളാ..

മെയ് 22, 2007

ഡി-എം-കെ യുടെ കലൈഞ്ജര്‍ ടിവി വരുന്നൂത്രേ...

അവധൂതവചനം:
ന്ന്ട്ടെന്താ കാര്യം? കറുത്ത കണ്ണടയിലൂടെ കാണുന്ന ലോകം വെളുത്തതാവില്ലല്ലോ...

മെയ് 21, 2007

മൂന്നാ‍ര്‍ കയ്യേറ്റഭൂമി ഒഴിപ്പിക്കുന്നതുമായി ബന്ധപ്പെട്ട് സ: പിണറായി വിജയന്റെ പ്രസ്താവനകള്‍:

“മാധ്യമ സിന്‍ഡിക്കേറ്റ്”


“മാധ്യമ ഗൂഢാലോചന”


“വീയെസിനെ ഹൈജാക് ചെയ്യാന്‍ ചിലര്‍ ശ്രമിക്കുന്നു”


“വീയെസ് ചെയ്യുന്നതു പാര്‍ട്ടിയുടെ നയങ്ങള്‍ അനുസരിച്ചു”


“വീയെസ് പാര്‍ട്ടിയുടെ സ്വത്ത്, പാര്‍ട്ടിക്കു വെണ്ടി ജീവിയ്ക്കുന്നയാള്‍“


“മുഖ്യമന്ത്രി മാത്രമോ യോഗ്യന്‍?”


“ചില മാധ്യമങ്ങളുള്‍പ്പെടെയുള്ളവര്‍ വി.എസിനെ പൊക്കിപ്പിടിച്ച് നടക്കുന്നതിന്റെ ഉദ്ദേശ്യംഅദ്ദേഹത്തെ നന്നാ‍ക്കലല്ല, മറിച്ച് വി.എസ് ഉള്‍പ്പെടുന്ന പാര്‍ട്ടിയെ മോശമാക്കുകയാണ്”

അവധൂതവചനം:

“ഹ..ഹ..ഹ, Success is relative: More the success, more relatives”

Newer Posts Home